Претседателот на САД, Доналд Трамп во Давос, зборувајќи за војната во Украина, ги истакна напорите на неговата администрација да постигне мировен договор меѓу Москва и Киев, нарекувајќи ја војната „апсолутно поле за убивање“, какво што не е видено од Втората светска војна.
Трамп беше прашан и дали ќе има мировен договор до следната година.
Треба да ја прашате Русија. Украина е подготвена да направи договор, одговори американскиот претседател.
Трамп, меѓудругото, во своето обраќање истакна и дека ќе побара од сојузниците од НАТО да придонесат повеќе.
Тој рече дека повеќето земји не ги подмириле плаќањата додека не дошол на власт.
Американскиот претседател истакна и дека е одговорен за прекинот на огнот во Газа постигнат во последните денови од администрацијата на Бајден и враќањето на заложниците кај нивните семејства.