На административните премини меѓу Србија и Косово Јариње, Брњак и Мердаре ситуацијата и натаму е без промени но е напната. Специјалните единици Роса и натаму се на северот на покраината, јавуваат српските медиуми.
Србите од Лепосавиќ и Зубин поток и натаму мирно протестираат, ги испратиле сите смени на полициските сили распоредени на северот, во непосреден контакт се но немало инциденти и провокации како порано, јавуваат известувачите од теренот.
Napeto, ali mirno, jutros na prelazima Jarinje i Brnjak pic.twitter.com/nSjL7S5rfv
— Tanjug (@TanjugNews) September 21, 2021
Србите се надеваат на компромис меѓу Белград и Приштина со посредство на ЕУ, истакнуваат дека сакаат мир, не сакаат насилство но ниту скратена слобода за движење.
Истовремено, Приштина порачува дека одлуката за таблиците на возилата не била провокација и дека на северот се само претставници на полицијата.
На Јариње немало патнички автомобили кои чекале за да преминат, имало автомобили на луѓе кои работеле на Косово, и кои ги оставале возилата тука и потоа пешки ја преминувале границата од каде ги преземале со други возила, јавува известувачот на РТС.
Денеска чекале само десет камиони а преку Јариње и Брњак и натаму можело да се премине само пешки, јавува новинарот.
На Мердаре пак гужвата била евидентна поради замената на регистерските ознаки со привремени. Оваа мерка Приштина ја воведе пред два дена што ги засили тензиите на северот и предизвика грижа кај локалното население.
Претседателот на Србија Александар Вучиќ по синоќешниот состанок на Советот за национална безбедност повтори дека Србија нема да прифати политика на свршен чин и од Србија нема да се добие печат на некаква криминална акција.
Што се однесува до физичкото насилство, српскиот претседател рече дека на тоа мора да реагира НАТО.
-Ако не реагира НАТО, нема да има погром на нашето анселение, како што беше во 2004 и нема да има ни „Олуја“ ни „Блесок“.
Суштината е во тоа што се крши Бриселскиот договор, изјави Вучиќ .
Тензичната атмосфера на косовско-српската граница поради српските регистарски таблички што почна во понеделникот, продолжува. Косовските власти не отстапуваат од одлуката да не дозволуваат влез на возила кои нема да земат привремени таблички, а силите на косовската полиција трет ден се распоредени на граничните премини Јариње и Брњак.