Почина уште еден пациент од грип неколку часа по неговата хоспитализација, на 07 февруари, соопшти Министерството за здравство четири дена по неговата смрт.
61-годишниот пациент бил со тешка клиничка слика, со воспаление на белите дробови и воспаление на мозок, а кај него дополнително бил изолиран вирусот на грип од типот А.
Претходно боледувал од повеќе тешки хронични заболувања, како што се тешко срцево заболување, покачен крвен притисок и декомпензирана срцева слабост.
Во моментот на Инфективната клиника, на одделението за интензивно лекување има тројца пациенти со потешка клиничка слика, со претходни ризик-фактори и хронични заболувања.
По четворица пациенти со полесна клиничка слика на грип се хоспитализирани во Градската општа болница „8-ми Септември“ и на Клиниката за детски болести, кои се во добра здравствена состојба.