Три докторки од Универзитетската клиника за пулмологија се позитивни на коронавирус. Две од нив досега немаат симптоми, додека едната е со гастроинтестинални симптоми. Со трите новопотврдени досега седум здравствени работници од Клиниката се позитивни на коронавирусот, потврди директорот на таа јавна здравствена установа, Дејан Докиќ.
Посочи дека докторките од 30 март се наоѓаат во домашна изолација и вчера им било направено тестирање кое покажало дека се позитивни.
„На 21 април ќе им биде направено уште едно тестирање. Првозаразената наша вработена е медицинска сестра од Куманово и со вирусот се заразила во местото каде што живее. Најверојатно дека докторките и другите медицински лица меѓусебно се инфицирале, можеби додека јаделе заедно во кујната“, рече Докиќ.