Три години затвор доби Индиецот кој заедно со уште четворица мажи минатата година ја силувал и малтретирал до смрт 23 -годишна студентка. Бранителот на тогаш 17-годишниот Индиец истакна дека судот не ја потврдил вината во сите точки од обвинениото, а самата пресуда предизвика револт.
На полнолетните извршители им се закнува смртна казна. Пресудата се очекува да биде изречена следните денови. Еден од осомничените во март беше пронајден обесен во затворската ќелија, а истрагата за околнмостите сеуште е во тек.
Пресудата против најмладиот осомничен за силувањето на младата Индијка четирипати беше одлагана. Минатата недела Уставниот суд донесе одлука на најмладиот член на групата осомничена за силување да му се суди како на малолетник.
Силувањето на 23-годишната девојка која почина во болница две недели потоа од здобиените повреди, предизвика интерес во цел свет, а во Индија масовни протести против растечкото насилство против жените.
Демонстрантите бараа најстроги казни за извршителите на ова злодело, вклучувајќи го и најмладиот, 17-годишен обвинет од групата. Смртна казна во Индија може да биде изречена само на полнолетни лица.