Три жени од Охајо за кои се верува дека биле одделно киднапирани пред една деценија, беа пронајдени живи вчера во куќа во Кливленд , во близина на местото каде што последен пат биле видени. Тројца браќа беа уапсени како осомничени за нивните исчезнувања, јави Си-Ен-Ен, повикувајќи се на соопштение на полицијата.
Полицијата соопшти дека тие биле предупредени за тоа каде се наоѓаат жените, кога добиле итен повик од Аманда Бери, која беше ослободена од куќата од страна на еден сосед кој рече дека слушнал викање и дошол да помогне.
“Помогни ми! Јас сум Аманда Бери …. Бев киднапирана и јас сум исчезната 10 години и јас сум тука. Јас сум слободна сега”, Бери, 26, френетично му кажувала на 911 операторот во снимката на повикот објавен од страна на полицијата, но и на веб страната на весникот Cleveland Plain Dealer.
Amanda Бери последен пат била виден по завршувањето на нејзината смена на Бургер Кинг во Кливленд во 2003 година. Тоа беше во пресрет на нејзиниот 17-ти роденден.
Џорџина “Џина” ДиЏесес исчезна речиси една година подоцна, во април 2004 година. Таа имаше 14.
Mишел Најт исчезна во 2002 година, на возраст од 21, според весникот .
Сите три беа пронајдени живи, пресврт поздравен како чудо од своите семејства.