На друштвото за производство, трговија и градежништво „Декон – Ком ДООЕЛ увоз извоз“ од Скопје ќе му бидат исплатени 58.758.100 денари (околу 955 илјади евра) за изведба на градежно – занаетчиски работи за адатација на дел од содржините на објектот на Владата на Република Македонија. Договорот со владината Служба за општи и заеднички работи бил склучен на 30 декември, а известувањето на сајтот на Бирото за јавни набавки беше објавено на 13 јануари Во известувањето не се наведени попрецизни информации околу тоа за каков градежен зафат се работи, јавува порталот build.mk
„Декон – Ком“ има на располагање три месеци за реализација на договорот, што делумно кореспондира со најавениот рок до кога треба да биде завршена и новата неокласична фасада на Владата (април 2014), за која беа предвидени 9,3 милиони евра.