Министерката за образование Мила Царовска, во дебатниот магазин „Клик Плус“ на ТВ21 изјави дека една од реформите во образованието е и подготовката на нов Закон за учебници.
-Нов закон за учебници е во подготовка, и во основа на тој закон ќе се донесе методологија за потврдување или одбивање на одреден наставен материјал или учебник. И тука таа методологија е подготвена транспарентно со помош на ОБСЕ, таа е веќе во завршна фаза, истакна министерката.
Царовска додаде дека методологијата на создавањето на учебници ќе биде сеопфатна, за да се намали нешто што е спротивно од граѓанските вредности да го има во учебниците.
-Методологијата ќе биде сеопфатна, за да се намали нешто што е спротивно од граѓанските вредности или невистна ќе се протне во учебниците, додаде Царовска.
Министерката за образование Мила Царовска вели дека сите добри работи од различни наставни програми се земаат и се имплементираат на нашиот образовен систем.
-За сериозен зафат во образование мора да одиме етапно. Затоа велиме прво одделение влегуваме со нов концепт – рече Царовска на ТВ 21.
Таа посочи дека државата купила книги кои освен што биле лошо преведени тие се несоодветни за наставните програми.