Во грчкиот парламент попладнево ќе се гласа за усвојување на договорот од Преспа. Вчера вечер премиерот Алексис Ципрас му одговори на лидерот на опозицијата Кирјакос Мицотакис кој ја обвини владата дека направил национално предавство дозволувајќи со Преспанскиот договор македонски јазик и македонска нација. На овие критики од опозицискиот лидер премиерот Ципрас ја обвини грчката опозиција дека живее во националистички илузии.
„Не сме дозволиле македонски јазик, бидејќи македонскиот јазик не е наш да го даваме. Аристотел го учел Александар Велики на грчки, место на македонски. Ниту македонската националност е наша да ја даваме. И самото користење на зборот „им дозволуваме“ укажува на илузијата на величина што произлегува од вашиот национализам. Луѓето кои живеат во северна Грција се Грци. Но, ова веќе припаѓа во областа на психоанализата и јас секако немам да намера да бидам ваш психијатар“ , изјави премиерот Алексис Ципрас во неговото обраќање пред пратениците во грчкиот парламент.




