Грчкиот премиер Алексис Ципрас во вторник на 2 април ќе ја посети Северна Македонија, јави МИА од Атина.
Делегацијата што ќе ја предводи Ципрас ќе биде пречекана на аеродромот во Скопје, по што следува свечен пречек со високи државни почести на платото на Владата на Република Северна Македонија. Премиерите Зоран Заев и Алексис Ципрас ќе имаат билатерална средба, а потоа и зедничка прес-конференција во Владата. Ќе биде одржана и меѓувладина седница.
Предвидено е грчкиот премиер да има средба и со претседателот на Собранието Талат Џафери.
Во попладневните часови премиерите Заев и Ципрас ќе учествуваат на бизнис форум.
Грчкиот премиер доаѓа во Скопје и со бизинис делегација што ќе сочинуваат претставници на над 70 големи и средни компании.
Делегацијата е поддржана од грчката компанија за инвестиции и надворешната трговија „Enterprise Greece“, надлежното државно тело, под надзор на Министерството за економија и развој, за привлекување инвестиции во Грција и за промоција на извозот.