Додека Американците дебатираа за можноста за нови регулативи за оружје по ужасниот напад во училиштето во Увалде, оруженото насилство се чинеше дека продолжува со несмалено темпо со официјалниот почеток на летото, 21 јуни, и неговите најжешки ноќи кои се уште претстојат.
Најзабележително насилство овој викенд се случи во Филаделфија, каде тројца беа убиени, а 12 беа повредени; и во Чатануга, Тенеси, каде што беше забележан втор викенд по ред на насилство со масовни пукања, овој пат со двајца мртви и 12 други повредени од истрели од огнено оружје. Трето лице починало откако во него удрил автомобил.
Три лица загинаа, а 14 други се повредени во улична пукотница Саут стрит доцна синоќа во Филаделфија. На видео објавено на социјалните мрежи се гледа како тепачка меѓу двајца мажи со трето лице ескалиралА во престрелка. Според полицијата откако се чуле истрелите истиот момент полициски службеник кој што бил во патрола, застрелал еден од напаѓачите, а другиот го фрлил оружјето и се дал во бегство.
Инцидентот предизвикал стампедо од луѓе кои што трчале за да се спасат. Жителите сведочат за континуираното насилство и велат дека не се чувствуваат сигурни ниту за својот ниту за животот за најмилите.
Уште еден сличен инцидент се случил ден претходно во близина на бар во Чатануга, во Тенеси, во кој според полицијата загинале три лица, а 11 биле ранети. Во третиот вооружен инцидент во трговски центар во Феникс во Аризона, викендот убиено е четиринаесетгодишно девојче а ранети се осум лица . Како што јавуваат американските медиуми ниту еден осомничен во ниту една од престрелките досега не е притворен.
Оружените инциденти се случуваат во мигови кога три американски градови се уште жалат по жртвите на злосторствата во кои неодамна беа убиени 35 лица – десет во пукотница во продавница во Њујорк, 21 во основно училиште во Тексас и четири во болница во Оклахома.
Американскиот претседател Џо Бајден побара од конгресот да го забрани офанзивното оружје и да ги засили контролите на лицата што поседуваат оружје .