Сцените на насилства во парламентите се вообичаени во земјите во кои политичката култура е на ниско ниво, каде дијалогот, дебатата, компромисот и толеранцијата се непознаница за политичките елити. Компилацијата на видео снимки ги прикажува земјите во кои хаосот и насилството се единствениот начин на комуникација помеѓу пратениците, како претставници на народот кои познаваат само еден начин како да го штитат јавниот интерес и сопствените политики- тупаниците.
Сцени од брутално и насилно протерување на новинарите од парламентарна седница не можат да се најдат низ светските архиви, освен оние во Македонскиот Парламент, на 24.12.2012
Парламентарниот примитивизам во слабо развиените земји секогаш е добра забава за останатиот, високоразвиен свет и една од сериозните аргументи зошто ваквите нецивилизирани земји често и немаат пристап во организациите и алијансите на старите демократии. Но, снимките од британскиот парламент пред година и пол ја шокираа светската јавност заради сосема друга причина- слабото обезбедување кое го превиде насилниот акт со доза на хумор на напаѓачот. Имено, медиумскиот барон Руперт Мурдок беше нападнат со шлаг од торта за време на сослушувањето во британскиот парламент (во Комитетот за култура, медиуми и спорт) околу скандалот за прислушкувањето на илјадници јавни личности и граѓани, од страна на неговата медиумска корпорација NewsCorp. Неговата сопруга, нарекувана и жена-тигар, Венди Денг, храбро се спротивстави на напаѓачот Џони Марблс, кој се претставува како активист и комичар. Лабуристичката партија веднаш го исклучи од членството Марблс, а претходно лабуристот Том Вотсон се шегуваше со Мурдок: “Вашата сопруга има многу добро лево кроше”.
Со скандалот со прислушкувањето за Карл Бернштајн (кој заедно со Боб Вудворд го откри Вотергејт скандалот) може да се направи неверојатна паралела со падот на Ричард Никсон, чија претседателска кариера беше уништена заради прислушкувањето на просториите на Демократската странка: “Овие два настани се културни моменти со огромни последици околу корупција на највисоки нивоа во државата”.