Марсел Кител победи во втората етапа на Тур де Франс. Велосипедистот на Квик-Степ Флорс беше најумешен во масовниот спринт што се возеше од Дизелдорф до Лиеж во должина од 203,5 километри. Најпрво се избори за најдобра позиција по стартот во Германија што ја задржа до минување низ целта во Белгија. Времето што притоа го оствари во, вкупно, десеттата победа на престижната трка е 4:37,06 часа.
Веднаш по него завршија Французинот Арно Демар, сонародникот Андре Грејпел, Британецот Марк Кавендиш и уште шест други велосипедисти. Целата група на крајот запиша идентично време како и победникот.
Герант Томас остана лидер во генералниот пласман со пет секунди предност пред Штефан Кунг. Кител по триумфот во втората етапа се искачи на третото место.
Утре се вози третата етапа од Вервие до Лонгви во должина од 202 километра.