Турското Министерство за надворешни работи соопшти дека нема да го врати амбасадорот во Египет, кој пред неколку дена беше отповикан на консултации. Египет и Турција во вторникот соопштија дека ги повлекуваат амбасадорите заради консултации, еден ден пред судирите меѓу силите за безбедност и приврзаниците на соборениот египетски претседател Мохамед Морси.
Владата во Анкара неколку пати остро ги критикуваше египетските воени власти поради соборувањето на Морси, а денеска Египет ја откажа заедничката воена вежба со Турција, предвидена за октомври, во знак на протест поради вмешувањето на Анкара во внатрешните работи на државата.
Ердоган повика и на итна седница на СБ на ОН посветена на ситуацијата во Египет и го оквалификува како масакр.