Со водени топови и солзавец турската полиција ги растера приврзаниците на прокурдската Партија за мир и демократија кои се собраа во Вираншехир да ја прослават 29-годишнината од почетокот на вооружената борба на ПКК против турската држава.
Полицијата ја предупредила групата дека празнувањето е незаконско и побарала од учесниците да си заминат. Откако приврзаниците на ПМД не ја послушале полицијата, таа употребила солзавец.
По интервенцијата, претседателот на локалната организација на ПМД во Вираншехир Халис Акташ изјави дека тој напад без причина е самоволие, кое во никој случај не може да се оправда.
Тој истакна дека додека турскиот премиер и министрите го осудуваат масакрот во Египет, тие ги затвораат очите за беззаконието и варварството во нивната земја.