Дојранското езеро ги дочека првите туристи за време на Првомајските и Велигденските празници.
Најбројни посетилети се гостите од Србија, Грција и секако од Македонија.
Сепак покрај подобрениот водостој на езерото и урбанизираната крајезерска патека, крајбрежјето е несредено и полно со градежен материјал со кој допрва треба да се доизградат плажите и шанковите.
Забележилтени се запустените базени и платформи покрај самиот езерски брег.
За ваквата состојба локалната власт вината на префрла на концесионерите кои навреме не ги завршиле градежните работи.
Сепак за похрабрите туристи тоа не е причина да не се искапат во езерските води.
НОВА го посети Дојраското езеро за време на Велигденските празници, а туристите со кои разговараше раскажуваа дека тука за 1 Мај било невозможно да се најде слободно место.
Само пред два дена Во Дојран беше организирана акцијата за чистење на водните текови и крајбрежјето на Дојранското Езеро, под мотото „Аларм за природата-Дојран 2013“.
Како што бече најавено цел на оваа акција е отстранување на трските и дрвјата израснати во езерото долж крајбрежјето од граничниот премин Стар Дојран до централното градско подрачје во должина од 3,5 километри.
Градоначалникот на Дојран, Борче Стамов посочи дека двомесечниот еко-караван ќе заврши со организирање голем концерт кон крајот на летото.