Една од најпопуларните социјални мрежи Твитер најави дека двојно ќе го зголеми бројот на карактери во твитовите, наместо досегашните 140, ќе може да се пишува со 280 карактери.
-Сакаме секоја личност ширум светот да може лесно да се изрази на Твитер и затоа правиме нешто ново: тестираме ново ограничување, 280 знаци, соопшти компанијата од Сан Франциско на својот блог.
Оваа промена што беше најавувана одамна, на почетокот ќе можат да ја користат само поединечни корисници – на англиски, шпански и португалски јазик.
Но оваа опција се очекува наскоро да стане достапна за сите корисници ширум светот.
Коосновачот на Твитер и извршен директор на компанијата Џек Дорси од порано најави дека ограничувањето на бројот на карактери ќе биде променето.