Данскиот фудбалер Кристијан Ериксен кој попладнево колабира за време на натпреварот меѓу Данска и Финска во рамки на Европското фудбалско првенство е во болница и е стабилен, објави УЕФА на официјалниот профил на Твитер.
Според фотографиите и кои ги објавија повеќе светски агенции и медиуми, Ерискен уште додека го изнесувале од теренот, бил свесен, со кислородна маска.
Публиката тоа не можеше да го види, бидејќи неговите соиграчи со чаршав го скрија неговиот соиграч додека на колична беше изнесуван од теренот.
Фудбалерот на Данска Кристијан Ериксен колабира на теренот за време на првото полувреме од натпреварот меѓу Данска и Финска што се играше го Копенхген во рамки на Европското фудбалско првенство.
Ериксен (29) беше сам во близина на страничната линија, кога во 42-та минута одеднаш падна. Неговите соиграчи формираа круг за околу нивниот соиграч.
Публиката и неговите соиграчи беа во шок и солзи додека медицинскиот тим му укажуваше прва помош, а од она што можеше да се види од ТВ преносот, му беше давано вештачко дишење и беше реанимиран..
Во моментов заседава кризниот штаб на UEFA дали натпреварот ќе продолжи.