Со екстерното тестирање се заштитени и наставниците и учениците. Наставниците поради поплаките дека трпат притисоци и уцени од родителите за да поправат оценка, а учениците зашто на овој начин се оценуваат според еднакви и конкретни критериуми, изјави Емилија Угриновска, претседател на работната група за електронско екстерно тестирање, објави Канал 5
– Идејата за овој вид тестирање е прво за да провериме каква е објективноста во оценувањето на наставниците, за подобрување на кавлитетот воопшто – и во наставата и во оценувањето и, пред се, поради бројните поплаки од самите наставници кои тврдеа дека се изложувани на притисоци и уцени од родители за да се поправат оценки. Вака ќе бидат на еден начин заштитени од сето тоа, изјави Угриновска
Екстерното оценување, со кое учениците ќе бидат тестирани по два предмета, ќе почне во понеделник и во сите училишта низ Македонија ќе трае десетина дена. Подготвени се 55.000 прашања по различни предмети.
Во еден клас или одделение учениците може да бидат тестирани по различен предмет. На тестот има 30 прашања на кои треба да заокружат еден од четири понудени одговори. До крајот на тестот може да се навратат на некој одговор за да го поправат ако се премислат. Тестот треба да го решат за 60 минути.