Автомобили, станови, градежни земјишта и деловни објекти се дел од движните и недвижни предмети за кои Управата за јавни приходи објави повик. На 17.аукција УЈП продава работи кои се запленети од даночните обврзници со неподмирени долгови.
Па така на пример на аукцијата може да се најде Мерцедес Бенз по цена од 151.161 денари, Сеат Толедо за 230.000 денари и слично.
На продажба се и најразличен мебел, компјутери, печатари и томографи, потоа машини за шиење, кроење и слично.
Работите се продаваат по систем видено-купено и дополнителни рекламации не се признаваат.
На понудувачите чија понуда не е прифатена депозитот им се враќа по заклучувањето на јавната аукција.