Победничката на Евровизија 2004, Украинката Руслана Лужичко, изјави дека ќе се запали на плоштадот во Киев доколку Владата не ги задоволи барањата на демонстрантите во земјата, јавува „Анадолу“.
„Смирено ви кажувам, доколку нема промени, ќе се запалам на овој плоштад. Ја донесов таа одлука”, порачала победничката на Евровизија од 2004. година, во изјава за медиумската куќа TCN Osoblive.
Нејзината поддршка за своите сограѓани Украинци, кои бараат промени, изразени преку протести кои започнаа на 21 ноември годинава, беше изразена во неколку наврати.
Германскиот министер за надворешни работи Гидо Вестервеле го поддржал лидерот на украинската опозициска партија Удар, боксерскиот шампион Витали Кличко.
Вестервеле и Кличко одржале состанок во Киев, по што упатиле добронамерни пораки.
„Како Европејци дојдовме кај Европејците“, порачал Вестервеле.
Демонстрациите поради одбивањето на украинскиот претседател Виктор Јанукович да го потпише договорот за стабилизација и приклучување кон Европската Унија продолжуваат.