Секоја ја сака Украина во својата зона на влијание. Москва ја сакаа оваа поранешна советска република во царинската унија и што посилно да ја врзе за себе, а и ЕУ ја сака под своја закрила.
Украина е голема и важна држава како за Брисел така и за Москва. Се наоѓа точно меѓу Унијата и Русија, а граничи со четири членки на ЕУ – Полска, Словачка, Унгарија и Романија. Има површина од 600.000 метри квадратни, втора по голема земја во Европа.
Од 46 милиони жители, над 17 % се Руси – најбројно малцинство. Па дури и претседателот Виктор Јануковиќ украинскиот јазик го научил во своите 50-ти години, а прв јазик му е рускиот. Украина секој ја влече на своја страна и Москва и Брисел.
Другата причина е таа што Украина е многу важен фактор во енегретиката. Земјата е зависна од рускиот плин, но не само таа, низ Украина поминува главниот гасовод од Русија кон Европа, дури 80 проценти од гасоводите се на нејзино тло. Секој спор меѓу Москва и Киев го чувствува целиот европски пазар. Кога им се исклучува плинот на Украинците, плин немаат ниту Германците, ниту Французите.
Парите итно и се потребни на Украина. Земјата е на работ на банкрот. Унијата им нудеше 610 милиони евра, за да го платат рускиот гас, а за отплата на кредитите на банките на Украинците им требаат 12 милијарди евра.
Некои од европските политичари ја обвинуваат Украина односно Јануковиќ дека му ја продава земјата на оној кој ќе понуди повеќе.
Москва со закани, а Брисел со погодности ќе продолжи да влече кон своите интереси. Демонстрантите заедно со опозицијата маршираат против Јануковиќ, нив ги врзува желбата за рушење на актуелната власт.