Нови санкции од Европската Унија за Русија стапија во сила со блокирање на кредитите за пет големи државни банки и преку спречување на бизнисите со Европа.
Целта е да се задржи притисокот врз Русија поради нејзината улога во Украинската криза. Но, мерките би можеле да се намалат или укинат ако се одржи прекинот на огнот во Украина.
Русија вели дека се подготвува за одговор соопштува Би-Би-Си.
НАТО вели дека Русија се уште има 1000 силно вооружени војници во источниот дел на Украина.
Американскиот претседател Барак Обама изјави дека САД ќе и’ помогне на ЕУ во воведувањето построги санкции за Русија преку таргетирање на секторите за одбрана, финансии и енергија.
ЕУ и САД го обвинуваат Кремљ за директно помагање на про-руските сепаратисти во регионите Доњецк и Луханск во Украина со испраќање на редовни војници преку границата заедно со софистицирано оружје вклучувајќи тенкови. Москва ваквите обвинувања ги негира.
НАТО вели дека Русија и понатаму чува околу 20.000 војници во близина на украинската граница и покрај оние што се веќе во Украина. Од април годинава, сепаратистите успеаа да убијат повеќе од 3 000 луѓе.
Новите санкции на ЕУ додадоа повеќе од 24 руски официјални лица и бунтовнички лидери на црната листа подложувајќи ги на визни забрани и замрзнување на нивните средства.
“Црните листи се состојат од лица вклучени во акции против територијалниот интегритет на Украина вклучувајќи го и новото раководство во Донбас, Владата на Крим како и руските донесувачи на одлуки и олигарсите”, се наведува во соопштението од Советот на ЕУ.
За портпаролот на руското Министерство за надворешни работи, Александар Лукашевич, новите санкции се „апсолутно непријателски чекор“.
Според помошникот на рускиот претседател Владимир Путин, Андреј Белоусов, Русија можно е да го намали увозот на автомобили и лесни индустриски стоки од ЕУ.
Русија веќе има широко ембарго за увоз на храна од ЕУ, со забрана за овошје, зеленчук, месо, млечни производи и други важни храна.
Едногодишната забрана важи и за храната што доаѓа од САД, Канада, Австралија и Норвешка, држави кои беа воведени санкции слични на ЕУ.
По веста за санкциите на ЕУ, вредноста на рубљата падна на рекордно ниско ниво во споредба со доларот и еврото.