Насилството продолжи во украинскиот главен град Киев, откако претседателот Виктор Јанукович вети дека ќе направи отстапки за да се обиде да стави крај на кризата во земјата, јавува Би-Би-Си.
Откако се зазори во сабота, пожарите уште гореа во центарот на градот. Во текот на ноќта, демонстрантите фрлаа камења и молотови коктели кон полицијата, која одговори со солзавец.
Јанукович вети дека ќе ги измени анти-протестните закони и ќе направи реконструкција на кабинетот.
Меѓутоа, лидерот на опозицијата Виталиј Кличко изјави дека демонстрантите сега сакаат претседателот да поднесе оставка.
Во петокот вечер, демонстрантите палеа автомобилски гуми на барикадите на улицата Хрушевски – на местото на неодамнешните смртоносни судири во близина на главниот протестен камп на Плоштадот на независноста.
Огнени топки го осветлија небото. Очевидци јавија дека неколку апсења беа направени.
Активистите запленетиле голем број на владини канцеларии низ Украина.
Кризата ескалираше оваа недела со првите смртни случаи во немирите кои започна пред два месеци. Двајца демонстранти беа убиени за време на судирите на улицата Хрушевски.