Одлуката на Русија да испрати повеќе од 100 камиони во воeното поприште во источна Украина без дозвола е широко осудена на Запад, јавува Би-Би-Си.
ЕУ и САД побараа да се повлечат, велејќи дека нивното присуство го повредува суверенитетот на Украина. НАТО изјави дека овој потег би ја распламтил кризата.
Но, Русија вели дека понатамошни одложувања се неприфатливи – и исто така, негираше дека нејзините војници и артилерија биле во Украина.
Првите камиони сега ја достигнаа опсадата на градот Луханск, кој го држат бунтовниците.
ОН одржа итен состанок за да разговараза влезот на конвојот, кој Украина го опиша како “инвазија”.
Во меѓувреме, Литванија – жесток критичар на акциите на Русија во Украина – изјави дека нивниот почесен конзул во Луханкс е убиен “од страна на терористите”, термин кој рутински се користи од страна на Украина за про-руските сепаратисти.
Во телефонски разговор, американскиот претседател Барак Обама и германската канцеларка Ангела Меркел предупредија дека Русија провоцира “опасна ескалација” во Украина и дека конфликтот “продолжува да се влошува” откако малезискиот авион беше соборен минатиот месец, поради тоа што бунтовниците ја држат територијата на исток, со загуба на сите 298 лица во авионот.
Белата куќа и украинската Влада го опишаа распоредувањето на конвојот како флагрантно кршење на суверенитетот на Украина.
Г-ѓа Меркел, која патува во Киев во сабота на разговори, рече дека е “длабоко загрижена” од развојот на настаните.