Украинската противвоздушна одбрана ноќеска уништила 30 дронови „Шахед“ во јужниот дел на земјата, пренесе Укринформ, повикувајќи се на објава на Јужната команда на Украина.
„Триесет напаѓачки беспилотни летала беа уништени во нашата област на одговорност од страна на силите за воздушна одбрана: 20 во регионот Виница, шест во регионот Одеса, четири во регионот на Николаев“, се наведува во соопштението на командата.
По нападот силен пожар избувна на инфраструктурна локација во Калиновка. Властите во украинскиот регион Виница рано утринава наредиле делумна евакуација на градот.
-Во овој момент нема потреба од општа евакуација, освен во непосредна близина на погодените област, изјави градоначалникот на Калинивка, Васил Полишчук.
Со цел да се заштити цивилното население од ширење на пожарот, локалните власти веднаш презедоа подготвителни мерки за евакуација. Но, бидејќи пожарот беше под контрола, евакуацијата беше непотребна, додаваат властите.
Нема извештаи за жртви а нема детали ни за тоа која цел е погодена или со кое оружје, пренесуваат британските медиумис.
Регионалниот гувернер Серхи Борзов само кажа дека е погодена „неодредена инфраструктурна локација“, термин што украинските власти понекогаш го користат за објекти кои произведуваат електрична енергија или за напади врз други важни објекти.
Извор: МИА