Специјалните сили на Службата за безбедност на Украина заробија 102 руски војници во областа Курск соопштуваат украински воени извори, а пренесуваа многу светски медиуми.
-Ова е најмасовното заробување на непријателот што успеавме да го извршиме во еден момент. Станува збор за заробување на Руси во областа Курск, рече изворот на ССУ за Укринформ.
Тој додаде дека тоа е овозможено со специјална операција спроведена од специјалните сили. Тие зазедоа и расчистија упориште на четата, која беше укопана и добро зацврстена од сите страни, со подземни комуникации и сместување за персоналот, менза, оклоп, па дури и бања. Според изворот на агенцијата, непријателот немало да се предаде и имал повеќе од доволно резерви и муниција.
Специјалните сили заробија 102 војници на 488-от гардиски полк и единицата Ахмат.
Како што пренесува Укринформ, заробените Руси од различни единици во регионот Курск изразиле желба да бидат разменети со борците од Азов кои се држат во руско заробеништво.
Според експертите, заробената руска војска во Курската област на Руската Федерација, вклучувајќи офицери на ФСБ, офицери на ГРУ, кадировци, регрути, ќе биде вредна размена за Украина.