УНЕСКО ќе испрати тим во Охрид да изврши увид дали обемните градежни планови можат да го загрозат нејзиниот статус како заштитено наследство, јавува EuroAsia Review, пренесувајќи текст на Балкан Инсајт (БИРН)
УНЕСКО ќе испитува дали изградбата на Универзитет на Плаошник, со поглед на градот што ќе биде финансирано од државата, претставува закана за статусот на Охрид како заштитено наследство.
Тие, исто така, ќе ги проверат плановите за туристичко место во средината на националниот парк на природата.
“Нашата комисија ќе изврши проверки, за да се осигура дека се избегнуваат негативни ефекти за состојбата на Охрид “, рече ПетјаТочарова, шефица на УНЕСКО, задолжена за Европа и Северна Америка,.
Тимот треба да пристигне во Македонија во септември или октомври.
“Комисијата на експерти, не само што ќе го посети Плаошник, туку, исто така ќе ги разгледа и плановите за нов проект во близина на Свети Наум, рече таа. “Ние сме подеднакво загрижени за тоа.”, додаде Точарова.
Последните развојни планови за Охрид некои експерти ги загрижија.
Планот финансиран од Владата, предвидува изградба на Универзитетски комплекс на ридот над старото јадро на градот. Проблемот е што комплексот, кој чини повеќе од 20 милиони евра, треба да биде изграден на врвот на вредни археолошки ископувања.
Претходно оваа година, индискиот милијардер Субрата Рој ги обелодени плановите за изградба на луксузен рекреативен комплекс на брегот на Охридското Езеро.
Комплексот ќе биде низ 240 хектари околу Охридското Езеро, во близина на селотоЉубаништа , во средината на Националниот парк Галичица.
Ќе вклучува луксузни хотели, пловечки хотел, казина, станбени и рекреативни објекти и меѓународен стандард голф.
Одземање на статусот на заштитено наследство од УНЕСКО досега не е непознато. Во 2007 година, светилиштето во Оман за ретки антилопи беше отстрането од листата на светското наследство на УНЕСКО, по одлуката на властите во заливската држава да ја намали големината на светилиштето во потрагата по нафта, пишува EuroAsia Review, пренесувајќи текст на БИРН.