Велат успешна држава. А улиците? Граѓаните гледаат преполни контејнери, депонии, кучиња по улици и проблеми што се повторуваат со години. Велат успешна држава. А безбедноста? Секој месец нови приказни за насилство, злоупотреби, институции што доцнат и граѓани што се чувствуваат оставени сами. И сега реалното прашање не е дали владата е три пати поуспешна. Прашањето е: успешна за кого?
Ана С Глас
„Сегашната Влада е два и пол до три пати поуспешна“.
Добро.
Ајде малце да го анализираме овој успех што нашиот премиер го гледа. Бидејќи колку што сум активна, колку што слушам луѓе, колку што гледам коментари, разговори и реалност на улица, граѓаните не изгледаат баш толку воодушевени. Можеби ние не гледаме добро. Можеби премиерот има некои розови очила што покажуваат друга Македонија.
Еве малце факти.
Велат успешна држава.
А во државава жените и понатаму умираат откако претходно барале помош. Во последните години десетици жени беа убиени, а анализите покажуваат најмалку 26 жени убиени во период од пет години, при што многу случаи претходно биле пријавувани и институциите знаеле за насилството.
Велат успешна држава.
А домашното насилство? Огромен број жени сметаат дека насилството е широко распространето, а многу жртви и понатаму не добиваат навремена заштита. Околу 60% од жените сметаат дека насилството врз жени е чест проблем.
Велат успешна држава.
А младите? Младите не прават редици за да останат. Прават редици за пасоши, визи и авиобилети. Истражувања покажуваат дека над половина студенти размислуваат да си заминат, а десетици илјади веќе се надвор. Само негативната миграција и понатаму продолжува и државата губи луѓе секоја година.
Велат успешна држава.
А населението? Македонија има континуиран пад на население и институциите, меѓународните организации и економистите предупредуваат дека иселувањето е еден од најголемите проблеми.
Велат успешна држава. А улиците? Граѓаните гледаат преполни контејнери, депонии, кучиња по улици и проблеми што се повторуваат со години.
Велат успешна држава.
А безбедноста? Секој месец нови приказни за насилство, злоупотреби, институции што доцнат и граѓани што се чувствуваат оставени сами.
И сега реалното прашање не е дали владата е три пати поуспешна.
Прашањето е: успешна за кого?
Затоа што ако успехот се мери по тоа колку луѓе си заминуваат, колку жени остануваат незаштитени, колку луѓе губат доверба и колку граѓаните секој ден се чувствуваат пофрустрирани, тогаш да … можеби навистина гледаме некој „успех“.
Само не истиот успех што ни го продаваат на прес-конференции.
Од Фејсбук ѕидот на авторката