Покрај дефинирањето на бракот како заедница помеѓу маж и жена или преименувањето на Народна банка, предлозите на Владата за измени во уставот содржат уште еден значаен амандман кој предвидува можност за креирање на посебни финансиски зони во Македонија. Иако на почетокот не беше јасно на какви зони се мисли, објавувањето на текстот од амандманите ги расветли сите дилеми. Сега намерата е кристално јасна – Владата сака во Македонија да прави таканаречен даночен рај или офшор. Впрочем, како што и пишува во самиот текст „во зоната ќе се применува посебна правна регулатива освен прописите од областа на кривичното право во Македонија“.
-Постојат повеќе работи кои се спорни (дискутабилни) во однос на офшор- финансиските центри. Само да ги наброиме: можноста за пониско оданочување или целосно даночно ослободување, можноста за посебното правно регулирање што често претставува начин за избегнување на одредени „непожелни“ правила, можноста за постоење тајност на одредени податоци (за сопствениците на одредени средства) или за избегнување стечајни постапки, вака професорот Ванчо Узунов во своја колумна од јули месец во „Утрински весник“ го објаснува терминот даночен рај или офшор.
Пратеникот Павле Трајанов на првата собраниска расправа по повод предложените измени уште поостро ќе ја критикува намерата на владата да овозможи формирање на даночен рај во земјава.
-Тие зони може да станат рај за перење валкани пари од трговијата со дрога или од тероризам, затоа што државата во тие зони нема никакви инструменти да го контролира текот на парите. Тоа може да биде од голема штета за Македонија и може да ги загрози нашите стратешки интереси да станеме членка на НАТО и на ЕУ, рече Трајанов.
Во интервју за НОВА една од наједоставните дефиници за тоа што е офшор ќе даде поранешниот гувернер Петар Гошев кој ќе рече „Офшорот не е ништо друго освен завера на богатите против сиромашните – завера поддржана од владите низ светот“.
НОВА повеќе од една година истражува и објавува текстови кои откриваат во кои бизниси се вклучени тајни сопствеништва од офшор дестинациите како Белизе, Панама, Лугано, Џерси и други. НОВА подготови и видео кое преку анимација објаснува како, всушност, функционираат овие системи. Во продолжение ви ги прикажуваме сите истражувања на НОВА кои откриле кои компании, јавни претрпијатија и личности имаат врски со даночните раеви на различни делови од светот.
Тајни газди од даночните раеви ќе печалат од монополот на Државна видео лотарија
Бизнис тајните од тропските острови и Скопје 2014
Кои се тајните бизнис соработници на Мијалков и Камчев
Мијалков ја продаде фирмата во Чешка на газди од даночните раеви
Добрата судбина на Гркот Кондоминас во Македонија
Газдите на „Нетпрес“ загубени на релација САД-Кипар, „Република“ на Кариби
Македонски бизнисмени оперираат со фирми во даночните раеви
Истражување: Кои се Македонците со фирми во оф-шор кралството Панама
Од 2001 до 2010 од Македонија излегле 4,6 милијарди долари црни пари