Утре од 9 часот, работниците предводени од Сојузот на синдикати на македонија – ССМ, ќе одржат протест со блокади на булеварот „11 Октомври“ и улицата „Даме Груев“.
Целта е да ги спречат пратениците со возила да дојдат на работа и да ги принудат народните избраници да поминат покрај нив, покрај работниците, за да се осмелат да ги погледаат во очи.
Пратениците цела година молчат за предлогот на ССМ за зголемување на минималната плата и за зголемување на сите останати плати. За да ги заштитиме интересите на работниците, работниците бараат минималната плата веднаш да се зголеми на 600 евра, а останатите плати да се зголемат за најмалку 6.000 денари или за разликата од зголемувањето од сегашната до новата минимална плата.
Пратениците први ќе се соочат со работничкиот гнев, а преку блокадата ќе ги оневозможиме тој ден да наплатат патни трошоци кои надминуваат и 100 евра за еден ден, да дојдат пешки или со градски превоз онака како што одат на работа работниците, соопштуваат од ССМ.