Претставата „Вагинални монолози“ е во продукција на активистичката група „Ви Деј Македонија“ и во неа учествуваат девојки, жени, аматерки, актерки, активистки и жени од јавниот живот во Македонија кои ги споделуваат женските сведоштва за искуствата со љубовта, раѓањето, сексот, насилството и силувањето.
Целта е жените да се обединат и да ја покренат свеста за насилството врз жената.
Сите собрани средства ќе бидат јавно донирани во Кризен Центар „Надеж“.
Цената на билетите е 200 денари.
„Вагинални монолози“ е создадена на средината на 90-тите години како збирка на вистински приказни на жени од различни социјални и културни кругови од сите краеви на светот втемелени на идејата дека вагината, освен разум, има и јазик па може сама да зборува со околината и со самата себе.
Не станува збор за еротски или порнографски материјал, туку за разбивање на културолошкото и социолошко табу и неизречивоста на вагината како женски принцип. Низ 90-тите но и години подоцна претставата доживеала нетипичен успех, а во нејзините изведби со свои приказни учествувале познати актерки како Вупи Голдберг, Глен Клоуз, Џулијан Андерсон и Џејн Фонда.