Ване Цветанов е разрешен од позицијата директор на Советот за унапредување и надзор на ревизијата, потврдуваат од Влада за Нова ТВ.
Од таму велат дека по предлог на Комисијата за кадровски решенија, на денешната владина седница, без конкретно образложение, Цветанов бил разрешен од функцијата директор на Советот за унапредување и надзор на ревизијата.
Инаку, Цветанов е на чело на институцијата од 2019 година, кога го постави претходната Влада на Зоран Заев.
Во време на ВМРО-ДПМНЕ, тој беше директор на на Агенцијата за спречување перење пари и финансирање тероризам.
Но, брзо влезе во конфликт со матичната партија, па за време на владеењето на Никола Груевски, беше обвинет и подоцна осуден во случајот „Шпион“.