Според белгискиот посредник Питер Ванхауте рокот за договор меѓу партиите за медимските прашања е до вечерва. Како што вели тој, доколку има волја спорните прашања меѓу партиите можат да се решат за неколку часа.
Тој очекува конструктивност од сите претставници во работните групи и вели дека на вчерашните преговори бил постигнат напредок во однос на советите на Агенцијата за медиуми и за МРТВ, меѓутоа сите останатите прашања треба да се решат денес.
Сепак тој се надева дека до вечерва може да се постигне конкретен договор дури и ако е потребно да се работи во доцните часови.
На прашање на НОВА, дали владиното рекламирање е најспорниот дел од преговарањето, тој одби да шпекулира, со образолежние дека целта е да се зачува процесот на преговарање, но дека тоа е едно од прашањата. А договор ќе има само доколку бидат решени сите прашања по кои партиите се разидуваат.
Тој потенцира дека доколку вечерва не се постигне договор, работните групи ќе продолжат во наредните денови да разговараат за други прашања од Договорот од Пржино.
На денешната средба освен претставниците на политичките партии Ванхауте најави дека ќе бидат присусни и американскиот амбасадор Џес Бејли како и заменикот на евроамбасадорот Аиво Орав, бидејќи тој бил надвор од земјата.