Радикални промени во ватерполо во најава од Светската пливачка федерација (ФИНА). Планирани се дури осум нови правила, замислено е да стапат во сила од лето, неочекувани се и нималку едноставни и би можеле да дадат сосема поинаква димензија на играта.
Три од нив се однесуваат на временски ограничувања во самата игра. Замислено е намалување на нападите од 30 секунди на 25, на исклучувањата од 20 секунди на 15 колку што ќе траат и акциите по изведен корнер. Скратување ќе има и во самиот терен од 30 метри на 25.
Се редуцира и бројот на играчи во записникот од 13 на 11, се преполовуваат тајм-аутите од четири на два, а паузата меѓу втората и последната третина се скратува на три минути од досегашните пет.
Промени во ватерполото
Намалување на теренот од 30 метри на 25 метри
Намалување на нападите од 30 секунди на 25 секунди
Намалување на времето за исклучување од 20 секунди на 15 секунди
Намалување на нов напад по корнер од 30 секунди на 15 секунди
Намалување на бројот на играчи од 13 на 11
Намалување на тајм-аути од четири на два
Намалување на паузата меѓу вториот и последниот период од пет минути на три минути
Потопена топка на голман ќе биде прекршок во напад наместо пенал