Со премиера на претставата „Вечна куќа“ вечерва започна со работа новиот Македонски народен театар, познат и како Златен театар. Преставата е работена според текстот на Јордан Плавенеш, а во режија на Дејан Пројкоски.
Точно во 20 часот кога започна претставата, официјално беше отворена и сезоната на претстави на Македонскиот народен театар. За утре и задутре ќе има по уште една премиера на оваа претстава, а до крајот на месецот ќе има уште осум репризни претстави.
На гала премиерата, вечерва присуствуваше целиот македонски естаблишмент, политичари, бизнисмени, луѓе од јавниот живот, од естрадата, цркавата, од културата и одредени новинари.
.jpg)
Фото: Телеграф.мк/Влатко Перковски
Декември ќе биде месец посветен на „Вечната куќа“, додека другите претстави ќе мируваат до јануари, а потоа ќе бидат поставени на новата сцена. Македонскиот театар ќе има ново лице, најави директорот Дејан Лилиќ.
– Во претставата учествуваат 80-ина актери, студенти од Факултетот за драмски уметности и од ЕСРА. Претставата ќе биде сплет на генерации, пензионирани актери, зрели, но и млади актери и тие што треба допрва да стапнат на нашите театарски сцени. Ни се отвора нова врата за да ги реализираме сите желби и соништа што не сме можеле да ги направиме, изјави Лилиќ, ден пред премиерата.
.jpg)
Фото: Телеграф.мк/Влатко Перковски
Сценограф на претставата е Валентин Светозарев, костимограф Благој Мицевски, а музиката е на Горан Трајковски.
Силна уметничка енергија е основата на претставата, најави министерката за култура Елизабета Kанческа-Милевска.
Фото: Телеграф.мк/Влатко Перковски
Претставата наликува на патување на човекот во сопственото срце, вели режисерот Пројковски.
– Нашата претстава ги собира сите актери што играле и во античките театри и во театрите низ годините до денес. Ги собира сите историски духови раскажувајќи ја приказната дека вечната куќа е една и единствена – вели Пројковски.
Фото: Телеграф.мк/Влатко Перковски