Кривично да се одговора за неисполнети предизборни ветувања – побара Трајко Вељаноски, пратеникот од ВМРО ДПМНЕ на собраниската седница на која се избираат нови министри и заменици министри во Владата на Заев. Вељановски дополни дека Заев не го ипсолнил ветувањето за намалување на бројот на министри во Владата.
„Во Кривичниот закон треба да се интервенира и кривично да се одговора и за неисиполнети предизборни ветувања. Влатко Ѓорчев кој седи до мене во Собранието постојано проверува што сте исполниле од Програмата со која настапивте на изборите. Ветивте дека ќе има 20 министри, но тоа ветување не го исполнивте“, рече Трајко Вељаноски.
Премиерот Заев одговори дека бројот на министри е поголем од 20 затоа што во Владата коалицираат поголем број партии.
Илија Димовски побара Заев да поднесе оставка поради случајот „Рекет“.
„Прекинете ја оваа политичка агонија во која се наоѓавме и ние кога вие ги објавувавте бомбите и поднесете оставка. Австриската влада веднаш поднесе оставка откако беше објавена една снимка за вицепермиер во владата“, рече Димовски.
Во одговорот до Димовски, Заев кажа дека е голема разлика од времето на владеење на ВМРО ДПМНЕ и на СДСМ .
„Во тоа време, кога се случувал ваков облик на криминал, се случувало тогашната власт да ја сочува телевизијата зашто е владина. Тој што земаше пари си ги чуваше, а тој што ги даваше парите имаше да молчи. Сега премиерот го пријави случајот и Јавното обвинителство си работи без пречки да го расчисти случајот“, рече Заев од собраниската говорница.
Нина Ангеловска е предложена за нов министер за финансии.
Таа е сосптвеник на компанија за интеренет продажба на производи со попусти и има 31 година.
„Со нејзиниот избор испраќаме порака дека младите треба да останат во земјата и дека успешните студети можат да стигнат и до високи позиции“, кажа Заев.
За министер без ресор предложен е Хисни Џемаили, а за заменици министри -Кирил Колемишевски – за економија, Елизабета Наумовска за заменик министер за образование, а Неџад Мехмедовиќ за заменик министер за политички систем и односи меѓу заедниците.