– Пуч е ако откриеш криминал на Груевски. А велепредавство ако откриеш криминал на братучедот, пишува на својот Фејсбук профил екс-министерот за правда, проф. Ѓорѓи Спасов.
Понатаму неговата објава на Фејсбук, интегрално:
Прво. Некој ја проби нивната тајна. Некој ги слушал сите нивни меѓусебни разговори и договори, со што е нарушена внатрешната доверба и солидарност кои се столб за опстојување на такви „италијанска„ организации.Сега знаат кој што мислел и што кажувал еден за друг. Знаат дека постоел страв но не и почитување. Знаат дека додека некој работел друг крадел. И многу други работи за каубојците и индијанците.
Второ.Сите маски кои ги користат таквите организации, од маската на патриотизмот, чесноста, моралноста, работливоста и посветеноста на заедничкото добро, до грижата за црквата фамилијарните вредности, по објавувањето на нивните разговори паѓаат во вода. За нив човечкиот живот не вредел пет пари. Важно им било „да се сотрат„ сите што им пречат во водењето на бизнисот. Лидерот дури е разоткриен во улогата на најголемата политичка кукавица. Тој без срам им ги подметнувал најтешките политички одлуки на другите, па дури и оние со кои може да се оди во затвор за тој да остане чист и патриот.
Трето. Разговорите откриваат нивна вклученост во сериозни криминали, и го откриваат клучниот проект на организацијата кој гласел: „Криминал во 100 чекори„. Во тој проект биле користни џокери за именување и разрешување судии, полицијата била нивниот главен штаб а „конгресмените од нивниот платен список“ гаранција за правењето криминал под закрила на законот.
Четврто. Јавноста дознава за сите криминални активности кои се користени за освојување и за зачувување на власта во време на изборите со што е доведен во прашање изборниот легитимитет не само на владата, туку и на претседателот на државата и на локалната власт во многу општини.
И петто. Од нивните разговори јавноста дознава за карактерот на главните актери во таквата власт. Дознава за високото ниво на политичка одмаздољубивост со кое се врши власта. За нивото на нечовечноста на главните актери и за високата доза на садизам со која уживаат во страдањата на нивните жртви.
Во нивниот речник: Пуч е ако откриеш криминал на Груевски. А велепредавство ако откриеш криминал на братучедот.