Емилија Целакоска
Чекај малку – кои се тоа „ние”?! Бидејќи ВМРО-ДПМНЕ со сигурност не правеше сѐ, ако мисли ЗА европскиот пат. ВМРО-ДПМНЕ правеше сѐ спротивно на тоа.
„Народот”, во реченицата, всушност се оние на коишто и денес им објавува безобразно формулирана ортопедска дијагноза на ‘рбетот. ВМРО-ДПМНЕ воопшто не е дел од тој „народ” што го споменува и со ваква изјава практично се дефинира самата, дека:
ВМРО-ДПМНЕ не е народ, не е дел од народ, туку е надвор од секаква смисла за народ, а се кити со перја на народ и си се нарекува народ. ВМРО-ДПМНЕ настапи како Ваниш за народ во сите клучни моменти на македонскиот народ по 1991 година.
А ова, политички гуштерско и воедно граматичко Квазимодо не заслужува ни да се спомне колку е глупаво, а камоли да се рецензира, но од почит кон македонскиот јазик, барем малку да го поправам ова јазично понижување, кога политичкото е залудно. Продолжува на горното „Ние како народ направивме сѐ…”:
„…како ниту еден народ што направил во Европа, којшто доаѓа од земјите кои порано беа дел од Варшавскиот пакт, како ниту еден народ што направил.”
Односно, да преведам на македонски јазик:
„…додека ниеден друг народ во Европа не направил толку колку ние, дури ни народите од оние земји кои порано беа дел од Варшавскиот пакт.”
Се надевам не мисли дека сме биле дел од Варшавскиот пакт – од „граматиката” излегува дека го мисли тоа. Сеедно, реченицата е сепак без врска, бидејќи за земјите кои порано беа дел од Варшавскиот пакт, токму истиот излезе дека е олеснување.
Ама кревам раце. Катастрофа.
Извини Ал Џезеира.
Од Фејзбук ѕидот на авторката