„Премногу емоции, премногу чувства, тешко е“, така Франс Велтерс го објаснува почетокот на својата кариера. Се работи за холандскиот фотограф кој со своите фотографии од земјотресот во Скопје 1963, рече дека ја изградил својата кариера.
Поради драматичната состојба во неговото семејство после Втората светска војна, Велтерс барал начин како својата траума од детството да ја претстави низ емоционалната призма на фотографијата.
Оттаму, и неговото патување во Скопје веднаш по веста во светот за земјотресот кој беше причина за смртта на над 1000 граѓани и остави речиси 3000 повредени луѓе.
По престојот во Скопје и враќањето во Холандија, Велтерс се сомневал во својот материјал. Се сеќава на настаните со чувство на болка.
„Емоции и чувства на тажни луѓе. Срушени луѓе. Луѓе кои не знаеја каде одат и се прашуваа што се случува. Тоа е тоа. Не фотографиите, не сликите, туку чувството кое го имам кога имав солзи на очите и не можев да сликам“, се сеќава тој.
Денес, вели дека Скопје е многу поразлично од она што го знае, но и дека му се допаѓа, но напоменува дека не смее да ужива популарност врз животите на починатите за кои сведочи од кобната 63’.