По 5% бонус на платите за месеците март и април, им се исплаќаат на вработените во ЈЗУ, информира Министерот за здравство, Венко Филипче. Тој истакна дека исплатите почнаа од вчера, продолжуваат денеска и в понеделник.
– Ветено и реализирано. По 5% бонус на платите за месеците март и април, им се исплаќаат на вработените во ЈЗУ. Исплатите почнаа од вчера, продолжуваат денеска и в понеделник. За две недели ќе биде исплатен и бонусот од 5% за месец мај. Медицинскиот и немедицинскиот кадар вработен во јавното здравство почнувајќи од март, ќе добива бонус на платите од 5%, во период од 9 месеци. Со новите вработувања и зголемувањата на платите, Министерството за здравство создава услови секој млад здравствен работник својата иднина и кариера да ја гледа во државата, истакна Филипче.