Искршени автобуски постојки, каменувани дуќани и билборди на ВМРО – ДПМНЕ на улицата кај скопски Бит пазар оставија зад себе демонстрантите.
Репортерот на НОВА, Сашка Цветковска јавува дека забележително беше тоа што демонстрантите се на тинејџерска возраст, меѓу кои има и деца од 10 години.
Предходно групата од 100-тина млади луѓе кои се упатија накај зградата на Владата беше разбиена од полицијата кај надвозникот пред мостот Гоце Длечев.
Тинејџерите кои пукаа петарди, извикуваа „УЧК – етничка Албанија“, го носеа албанското знаме се разбегаа накај старата скопска чаршија, инцидентите со кршење и каменување започнаа откако се враќаа назад накај Јаја Паша џамија односно на улицата кај Бит пазар.
Полициското обезбедување во овој дел од Скопје е се уште засилено.