Крузерот „Norwegian Breakaway“ со 4000 патници помина низ снежна бура на пат од Бахами до Њујорк. Наместо празнично патување, крстарењето се претворило во кошмар.
Бродот во четвртокот навечер влегол во бурата која се формирала над Атлантскиот Океан и се движела кон источниот брег на САД.
„Мислев дека никогаш нема да доживеам таква ситуација. Тоа беа настрашните моменти во мојот живот.“, изјави за СИ-БИ-ЕС патничката Каролин Рос.
„Кога сте на брод среде океан и водата се слева низ скалите, не мислите дека ќе заврши добро. Нашата соба беше покриена со 20 сантиметри вода.“, вели друг патник.
Со оглед дека кабините биле полни со вода, патниците спиеле во ходниците и деловите од бродот во кои немало штети. Патниците на социјалните мрежи ја опишаа паниката која владеела на крузерот.
„Луѓето плачеа, сите повраќаа, беше тоа кошмар. Брановите бее високи и по десетина метри. Крузерот беше толку навален, се тресев“, раскажуваат патниците кои додаваат дека насекаде имало скршени стакла.
Норвешката фирма Norwegian Cruise Line по ова патешествие на патниците им се извини поради „екстремните временски услови“ и велат дека се среќни оти сите се живи и здрави.