На аматерско видео кое го објави британски „Гардијан“, се гледа како фановите на фудбалскиот клуб Челзи не му дозволуваат на Афроамериканец да се вози во метро во Париз, пред самиот почеток на синоќешниот фудбалски натпревар меѓу Париз Сент Жермен и Челзи.
При самиот обид да влезе во возот, тој е насилно оттурнат, а навивачите му пеат „Расисти сме, расисти сме затоа што сакаме“.
Фубдалскиот клуб Челзи силно ги осуди постапките на овие навивачи. Во соопштението на клубот се вели:
„Ваквото однесување е одвратно и нема простор за истото, во фудбалот и општеството. Поддржуваме секакви судски постапки против учесниците на овој чин, и доколку се докаже дека истите имаат сезонски билети за натпреварите на Челзи, или се членови на клубот, ќе ги преземеме сите можни мерки против нив“.
Очевидците се згрозени од културниот шок кој го доживеале.
Анти-расистичката група „Кик ит аут“ го осуди инцидентот и го повика клубот на Абрамович да се потрудат слични инциденти да не се повторат.
Првиот човек на „Кик ит Аут“, Лорд Озли вели се шокирал кога го видел ова.
– Шокиран сум и сеуште не можам да поверувам. Јас мислам дека клубот јасно стави до знаење за вакви инциденти, особено бидејќи знам колку се потруди да ги среди ваквите прашања. Фактот дека се случил напад, и момчето е оттурнато при обидот да влезе во метрото, е шокантно.
„Кик ит Аут“ изрази надеж дека вакви инциденти нема да се повторат не само на фудбалските натпревари на Челзи туку во фудбалот како целина.