Хонорарците кои во моментов се движат кон Владата, предмалку го извикаа министерот за труд и социјална политика, Диме Спасов пред вратите на ресорното министерство, јави репортерката на НОВА, Славица Филиповска.
Со свирежи и повици за оставка, тие пред министерството под силна полициска безбедност го искажаа револтот од измените во Законот за придонеси за хонорарците.
Помеѓу транспарентите кои се носат на протестот, пишува „Диме те знае ли мајка ти“ а има и транспарент со ликот на младиот министер на кој се вели „Крадам док сум млад“.
Колоната хонорарци се повеќе се зглемува.
Според последните измени, вработените нема да плаќаат придонеси ако остваруваат месечни хонорарни приходи кои се помали од износот на просечната нето плата во земјата од 21.300 денари.
Тие ќе плаќаат придонеси само на разликата која го надминува тој праг. Невработените, пак, кои примаат хонорари, се ослободени од плаќање придонеси до износот на минималната плата која сега изнесува 9.590 денари и ќе плаќаат придонеси само на износот кој го надминува овој праг.