Младински образовен форум и младинска организација во Македонија подготвува видео серијал од 5 епизоди насловен „Корупција во образованието“. Овој серијал од 5 кратки документарни филмови е посветен на истражување на младинските напори, организирање и вмрежување во борбата против корупцијата во секојдневниот образовен живот на младите од Југо-источна Европа.
Видео серијалот снимен во Македонија, Србија, Хрватска, Словенија, Босна и Херцеговина, Бугарија и Ерменија дава поглед на мислењата и акциите на студентите, професорите, активистите, организациите, како и на други истакнати индивидуалци за воспоставување на квалитетно и транспарентно образование.
Првата епизода, се однеусва на дефинирање и препознавање на корупцијата, а секој од 5-те кратки филмови обработува различна област од корупцијата во високо образование и тоа: Дефинирање и препознавање на корупција, Младинско вмрежување против корупција, Податоци и истражување за корупцијата, Активизам против корупцијата и Комуникација со институциите.
Почнувајќи од оваа недела, секоја недела ќе се објавува нова епизода од серијалот.
Во видеото, погледнете ја првата епизода