По денешниот скандалозен избор на нов студентски лидер, од Студентскиот Пленум бвинуваат дека членови на Студентскиот Парламент буквално ги украле кутиите од избирачките места, каде по правило гласовите би требало да се пребројуваат јавно.
-Погледнете како СПУКМ ги краде изборните кутии од избирачките места! Според статутот, гласачките кутии се отвораат на факултетите и гласовите треба да бидат пребројувани јавно, се вели во реакцијата на Пленумот на социјалните мрежи, каде е објавено и видеото.
Тензичната атмосфера на студентските избори на УКИМ се наговестуваше уште многу порано во денот кога во кампусот на УКИМ дојде поголема група на луѓе по што дојде до вербални расправии.
Студентскиот пленум реагираше дека изборите се нелигитимни, без параван кој ќе обезбеди тајност во гласањето, а кутиите се одвнатре обложени за потоа насилно да се наполнат.
Изборите на кои се гласа на 23 факултети од Универзитетот „Кирил и Методиј“ беа отворени до 16 часот. Студентскиот парламент денеска избира нов претседател, без претходно навремено објавен јавен оглас на сите матични сезони, во време на летна пауза меѓу студентските сесии кога поголем дел од студентите се надвор од Скопје и без известување на сите студенти, обвинува Пленумот.