Иако количеството на чад било неподносливо, а огнот ја уништил шумата околу манастирот, од којзнае која причина, огнот едноставно запрел и го заобиколил манастирот
Пожарот што зафати дел од грчкиот остров Евија не ги натерал монасите од манастирот Свети Давид да се евакуираат.
Тие не сакале да го напуштат светилиштето, иако огнот им се приближил и го опколил манастирот.
Поглаварот на манастирот за државната новинска агенција АНА-МПА изјави дека ситуацијата е многу тешка, дека пламените јазици се високи и до 40 метри и дека огнот го опколил манастирот.
Во објава на Фејсбук се наведува дека манастирот Свети Давид на Евија е спасен – огнот го заобиколил и останал недопрен. Одлична помош од монаси и пожарникари, се додава на ФБ.
Иако количеството на чад било неподносливо, а огнот ја уништил шумата околу манастирот, од којзнае која причина, огнот едноставно запрел и го заобиколил манастирот.
Огнот ги зафатил автомобилите паркирани околу светилиштето, дрвјата, растенијата, но ниту една манастирска зграда, односно ниту една тула од манастирот не била зафатена од пожарот.
Грчките верниците се прашуваат дали можеби огнот едноставно сам запрел, дали ветерот го сменил правецот … или е во прашање нешто сосема трето.