За черепите кои вчера се пронајдени во пештера во Кичевско веќе се шпекулира дека можеби се стари и педесет години. Ги пронајдоа истражувачи на пештери од Италија која се јавиле во кичевската полиција. Форензичари, истражители и обвинители се на терен. Најавија дека се што нема да ја загрози истрагата ќе биде споделно со јавноста. Бројот на човечки черепи според одредени написи во медиуми кои се повикуваа на свои извори во истрагата е повеќе десетици.
Во 2009 година, идентично како и во денешниот случај, со дојава на спеолози кои во резерватот Јасен трагаа по нови пештери, македонските органи излегоа на терен и во пештера пронајдоа човечки скелети за кои беше утврдено дека два од скелетите беа стари околу 20 години, а еден десет. Она што никогаш никој не го откри е чии се тие скелети и која ги убил тие луѓе. Ако денеска во резерватот Јасен ловат милијардери и принцови, во времто на ЈНА тој бил добро чувана тврдана во која дури ниту војниците од пониските рангови не можеле да влезат, а камоли обичните смртници.
Кој е воениот старешина за којшто семејството се сомнева дека бил ликвидиран од страна на воените југословоенски служби токму во Јасен? Зошто овие мистерии остануваат мистерии и има ли поврзаност на југословенските служби со човечките коски кои се пронаѓаат по толку многу време. Погледнете ја оваа репортажа на Сашка Цветковска за „Еврозум“, продуцирана во 2009 година во времето на пронаѓањето на коските од Јасен.