Денешниот напад во трговски центар во Најроби, во кој загинаа најмалку 30 лица, а повредени се повеќе од 50, можеби е терористички акт, соопшти Министерството за внатрешни работи на Кенија.
Сепак официјалните информации од кениските власти говорат за 11 жртви.
Напаѓачите на милитантната организација Ал-Шабаб влегле во луксузниот трговски центар во Најбори каде отвориле оган врз посетителите и вработените.
Висок претставник на сомалиските милитантната група Ал-Шабаб, потврдил дека го извршиле напад на трговски центар во соседна Кенија. Ал Шабаб, која има врски со Ал-Каеда, го извршила нападот како одговор на присуство на Кенија во Сомалија, каде што нејзините војници се борат со милитантите од 2011, јавува BBC.
Кризната ситуација траеле неколку часа, а потрагата по напаѓачите се уште трае. Според најновите информации еден од напаѓачите е уапсен, а нема потврда дали се ослободени заложниците во трговскиот центар.
Напаѓачите притоа користеле калашникови и гранати, а по пристигнувањето на полицијата дошло до жестоки престрелки.
Локалните, но и светските медиуми, повикувајќи се на изјавите на очевидци, претпоставуваат дека напаѓачите се Сомалијци.
Генералниот секретар на ОН Бан Ки-мун изразил голема загриженост за нападот во трговскиот центар во Најроби, за што разговарал и со кенискиот претседател Ухуру Кениата.